اربعيني في قلب صغيره لكاتبتها

ايه يعني انا وانتي واحد وبعدين انتي لسة عروسة لازم تتعاملي علي انك عروسة
ابتسمت همس وردت باعجاب ذاد اكتر برائد 
انا بجد متشكرة اوي ليك علي كل اللي عملته عشاني 
ابتسم رائد وقرب من همس وبص في عنيها بتركيز وهو بيقولها بعتاب 
في واحده تشكر جوزها عشان عملها فطار بالذمة ده ينفع وبعدين انا مليش غير همس واحدة بس
اتكسفت همس وبصت للارض بخجل فرفع رائد وشها ليه وبص في عنيها بتوهان وهو بيقول 
انا اسعد راجل في الدنيا عشان بقيتي ليا يا همس وعشان كدة اوعدك اني اعمل المستحيل عشان اسعدك وارسم الضحكة الجميلة دي علي وشك دايما
همس قلبها دق لاول مرة وكانت مستغربة احساسها ده بس كانت مبسوطة وردت بخجل علي رائد وهي بتزوغ بعنيها بعيد عنه 
اانا بتوتر اوي لما بتقعد تقول كدة بص تعالي ناكل سوا
ضحك رائد بصوت عالي علي توترها وهمس بصتله بانتباه وسرحت في ضحكتو اللي شدتها اوي ورائد انتبه ليها بس محبش يحرجها ويعلق فقالها بخبث
مش يلا ناكل ولا ايه
انتبهت همس واتكسفت من اللي عملته فبصت للارض بخجل وقربت من رائد وقعدت جمبه تاكل بهدوء وهو متابعها باستمتاع
بعد اسبوع كانت قاعدة همس جنب رائد وبتتفرج علي فيلم كارتون وكانت باصة لرائد وسرحانة فيه ومن جواها مستغربة شخصيته اللي متناقضة عن سنو تماما كان رائد مركز في الفيلم اكتر منها وكانت همس مستغربة ده ومش عارفة هل هو بيعمل كدة عشان هو بيحب كدة ولا عشانها هي طيب ليه شخصيته حلوة كدة ودايما بيبقي عايز يحسسها انه
قريب منها وفاهمها اكتر من نفسها معقولة انتبهت لجرس الباب فقامت بسرعة وهي بتقول بحماس 
انا اللي هفتح 
قبل ما همس تجري كان وقفها رائد بصوته وهو بيمسك ايديها 
بت انتي تعالي هنا
قال كدة رائد و اتوتر رائد وهمس كمان كانت مكسوفة اوي وهما الاتنين فضلو باصين لبعض شوية وبعدين رائد اتكلم بهمس 
هتروحي تفتحي بالبيچامة اللي انتي لبساها دي ولا ايه
ردت همس بنفس الهمس اللي كان بيتكلم بيه رائد 
ماهو مفيش حد غريب دي اكيد مامتك او اختك 
رائد كان مركز في عنيها وقالها بتوهان 
حتي لو امي او اختي قومي يا همس دلوقتي و روحي البسي حاجة طويلة
وش همس احمر من الخجل وبعدت بسرعة عنه بعد كلامه وسابته وجريت علي اوضتها وهي بتبتسم وبتحط ايديها علي قلبها يمكن دقاته تهدا ورائد ابتسم عليها وقام هو يفتح وكانت سمية امه 
ايه يا رائد كل ده عشان تفتح ايه عامل عريس ولا ايه
قالت سمية اخر كلامها بسخرية ورائد اتنهد بقلة حيلة لانه عارف ان امه مكنتش موافقة علي جوازه من همس في الاول رد وهو بيقعد قدامها 
ومعملش عريس ليه يا ماما مش انا عريس فعلا ولا ايه
تسلم ايديكي يا حبيبتي
ابتسمت همس ببهتان وهي بتبص لرائد اللي انتبه لكلام امه اللي من الواضح انها متعمدة تطلع عشان تضايق همس بكلامها 
وانت بقي يا حبيبي مش ناوي تنزل شغلك ولا عجبتك قاعدة العيال الصغيرة
امي 
قالها رائد بضيق وهو
بيقف وبيبص لامه بعتاب وكمل كلامه وقالها بهدوء 
الحقيقة يا امي ان همس قاعدتها ميتشبعش منها وانا لو عليا عايز افضل جمبيها العمر كله
ابتسمت همس مرة واحدة بعد ما كانت زعلانة ومتأثرة بكلام سمية بس رد رائد كأنه طبطب علي قلبها وجبر خاطرها وقامت وهي بتقول بود 
انا هحضر الغدا علطول عشان حضرتك تتغدي معانا
قاامت سمية وردت وهي بتبص لرائد بضيق 
لا متشكرة وفري وقتك لجوزك
قالت سمية اللي قالته وسابتهم ونزلت وهمس