اربعيني في قلب صغيره لكاتبتها

عليها بصوت واطي بس وصل لودن رائد 
انا مقولتش انه هو وحش بس فرق السن بينا اللي مخوفني
رائد غمض عنيه بضيق حاول يسيطر عليه وبعدين قام وهو بيقول بجدية 
مش يلا بينا بقي يا همس 
قال رائد كلامه وهو بيبص لامه واخته عشان يمشو وهمس كانت متابعاه بقلق وبعدين بصت لزينة وقالتلها بهمس 
تفتكري سمعني 
قلقت زينة وبصت لرائد وبعدين حاولت تطمن همس فقالتلها بحب 
لا يا قلبي اصلا كان بعيد 
قامت همس بتردد وفي نفس الوقت كانت بتقرب عليها سمية وتبقي ام رائد ونيرة اخته وهما الاتنين مش متقبلين همس ولا كانو موافقين علي جواز رائد منها وعشان كدة كانو قاعدين بعيد خالص ولا كانو بيتكلمو حتي مع ام همس سلم رائد علي نسرين بعد ما وصته علي همس وهو طمنها وبعديها همس نسرين وبقو هما الاتنين يعيطو وكانت متابعاهم سمية بسخرية ورائد اتدخل ومسك ايد همس وقالها بابتسامة 
كفايا كدة يا حبيبتي متتعبيش مامتك اكتر من كدة وحضرتك يا طنط متقلقيش
انا اللي هجيبهالك بنفسي كل اسبوع تشوفك وتطمن عليكي
بصتله نسرين بامتنان وهو اخد همس ونزل ووراه سمية ونيرة
دخلت همس شقة رائد اللي بيت اهله وكانت متوترة وخاېفة ولفت بسرعة اول ما سمعته بيقفل باب الشقة واول ما بصلها ابتسم وقرب منها وقالها بحب 
انتي واقفة ليه تعالي اقعدي ارتاحي وشوية ونقوم افرجك عالشقة
طاوعته همس ومشيت معاه واول ما قعد عالكنبة وقعدها جمبه قالها بحنية وهو بيسمك ايديها 
همس انا عارف انك في حجات كتير عايزة تفهميها مني وتعرفي اشمعني انتي اللي اخترتك وعارف كمان انك خاېفة مني اكمني يعني اكبر منك بكتير شوية عارف ان 13 سنة ده كتير مش قليل بس صدقيني السن مش كل حاجة يعني لو احنا متفاهمين صدقيني مش هتحسي بالفرق ده
كانت همس بتسمع رائد وهي بصاله بانتباه واتأكدت انه سمع كلامها مع زينة وزعلت من نفسها انها خلته يحس بكدة فقالتله بحزن وهي باصة للارض 
اانا اسفة
ابتسم رائد وفهم علطول انها بتتأسف عشان الكلام اللي قالته فمد ايديه ورفع وشها ليه وبص في عيونها وقالها 
انا مش بقولك كدة عشان تتأسفي وعلي فكرة اي بنت مكانك هتبقي خاېفة وانا عاذرك بس صدقيني لما تعرفيني انا متأكد انك هتتقبليني زي ما انا
اتحرجت همس من كلام رائد ورد فعله وحركت راسها بهدوء موافقة علي كلامه ومعلقتش فكمل رائد كلامه وهو بيقف 
تعالي بقي اوريكي اوضتك عشان تغيري هدومك وترتاحي
اتوترت همس اول ما رائد قال كدة ووشها احمر فطمنها هو بصوته اول ما لاحظ تغييرها 
علي فكرة انا مش هضغط عليكي في اي حاجة انا هسيبك لما تعرفيني الاول وهستني لما انتي اللي تيجي تتكلمي معايا وتقوليلي انك مستعدة تشاركيني حياتي
ابتسمت همس براحة ورائد كبر في نظرها اكتر فردت عليه بهدوء 
متشكرة ليك اوي يا رائد
ابتسم رائد واخد همس ودخل اوضتها وهو من جواه فرحان بالخطوة اللي خدها في علاقتهم وانها بدأت تطمن ليه
تاني يوم كانت واقفة همس قدام المراية وبتسرح شعرها وسمعت خبط الباب فابتسمت وسابت الفرشة
من ايديها وراحت تفتح الباب بسرعة واول ما فتحت بصت لرائد وقالتله بابتسامة رقيقة 
صباح الخير
رائد كان ماسك صنية الفطار وباصص لهمس بتوهان لانه اول مرة يشوفها بشعرها وكانت جميلة جدا في عنيه فابتسم بجاذبية وقالها بحب 
صباح الورد انا حضرتلك الفطار
ابتسمت همس وبصت للاكل وهي بتقول پصدمة 
انت اللي حضرته بنفسك انا كنت هسرح واطلع احضره والله
دخل رائد وهو بيقول بضحك بعد ما حط الصنية عالترابيزة 
وفيها