اربعيني في قلب صغيره لكاتبتها

من كدة 
ان شاء الله يا ست الكل ها هتأكليني ايه بقي انهاردة 
ردت نسرين بابتسامة وهي بتقوم من مكانها 
عاملالك اكلتك المفضلة لحمة ببصل
ابتسمت همس بفرحة ولسة هتتكلم تليفونها رن برقم غريب فبصت للفون وبعدين قالت بحماس 
ماشي يا نونو هشوف مين اللي بيرن وبعدين اجي تكوني خلصتي وناكل علطول
خرجت همس من المطبخ بعد ما قالت كلامها ودخلت اوضتها وهي بتحط الفون علي ودنها وبترد 
السلام عليكم مين 
اټصدمت همس اول ما سمعت صوت رائد بيقولها ببحة مميزة
عليكم السلام معقولة تنسي
صوت خطيبك واللي بكرة هيكون جوزك 
اتوترت همس وبصت للفون ورجعت حطته علي ودنها تاني وهي بتقول بتلقائية 
رائد 
رائد ابتسم اول ما سمع اسمه منها وقالها بهدوء 
ايوة ازيك يا همس 
همس ردت بتوتر وهي بتقعد علي حرف السرير
انا كويسة وانت 
كويس طول ما انتي كويسة 
قالها رائد بثقة وهو بيأكد علي كل حرف وده خلي همس تتوتر وتبص بعيد كأنه شايفها وسمعته بيكمل كلامه وبيقولها 
انا قولت اكلمك اطمن عليكي واسألك لو عايزة اي حاجة اجيبهالك معايا وانا جاي بكرة
ابتسمت همس وردت براحة حسها رائد في صوتها 
لا خالص متشكرة
رائد سكت شوية وبعدين اتكلم بهدوء وهو مصمم من جواه انه يخلي همس تاخد عليه 
همس انا مش عايزك تتعاملي معايا برسمية انتي دلوقتي بقيتي مني وبكرة هتكوني مراتي يعني مسؤلة مني عايز اي حاجة تحتاجيها تطلبيها علطول من غير تردد ولو في اي حاجة مضايقاكي تكلميني وتحكيهالي وليكي عليا انا هتصرف 
ارجوكي يا همس انا مش عايز افضل حاسس اني غريب عنك
كانت همس بتسمع رائد وهي مرتاحة ليه ولكلامه واهتمامه بيها وفي نفس الوقت مستغرباه كانت بتسأل نفسها اشمعني هي اللي اختارها وليه يحط نفسه في شبهة زي دي لقت نفسها بتقول باندفاع وبترد علي كل كلام رائد بكلمة واحدة 
ليه 
سمعها رائد بصعوبة بعد ما طلعت منها الكلمة بهمس وتوتر وخوف حسه هو في صوتها فابتسم ورد عليها 
فهميني عايزة تعرفي ايه وانا اقولك بس اتكلمي معايا
اتشجعت همس من كلامه فكررت جملتها بتوضيح اكبر 
ليه انا اللي اخترتها مع اني يعني اخويااا
قطع رائد كلامها ورد بثقة عليها وهو بيتنهد 
مسجون انا مش فارق معايا اي حاجة من دي اللي يخصني انتي وبس اما بقي لو سؤالك انا ليه اختارتك فده افضل اجاوب عليه بكرة وانتي هنا في بيتي 
شبح ابتسامة ظهرت علي وش همس وهي بتسمع كلام رائد وارتاحت ليه شوية من بعد ما كانت خاېفة اوي لانها متعرفهوش اتكلمت بصوت واطي وردت عليه بكلمة واحدة 
تمام
ابتسم رائد وقالها
بحب قبل ما يقفل 
هقفل بقي واشوفك بكرة
سلام 
قالتها همس بسرعة وتوتر وبعدين قفلت السكة من غير ما تستني رائد يرد عليها وحطت ايديها علي قلبها وهي بتبص لنفسها في المراية ومش عارفة ليه خاېفة كدة
تاني يوم كان واقف رائد قدام همس بعد ما كتب كتابها وبقت مراته وهمس كانت واقفة قدامه وبصاله بتوتر وقلق وخوف كان مسيطرين عليها واتفاجأت بيه بيقرب منها وبيبوسها من جبينها وبعدين همس ليها في ودنها 
مبارك عليا يا همس
همس اتوترت اكتر وبصت حواليها بخجل وهي بترد عليه 
الله يبارك فيك
رائد كان واقف جمبها ونسرين كانت متابعاهم بابتسامة ومن جواها خاېفة احسن يكون قرار جواز همس من رائد يكون غلط مكنش موجود حد غير الجيران القريبين بس وطبعا زينة اللي كانت باصة لهمس ومبتسمة وفرحانة ليها وشوية وقربت منها وهمست في ودنها 
وتقوليلي معرفش ده الراجل طلع مز اوي وقعتي وقفة يا بنت خالة نسىرين
ابتسمت همس ڠصب عنها علي كلام زينة وردت