اربعيني في قلب صغيره لكاتبتها

غمضت عنيها بحزن بس فتحتهم تاني لما حست بايد رائد بتحاوطها وبيقرب منها وبيقولها بحزن 
انا اسف حقك عليا انا امي طيبة ومع الوقت هتحبك انا متأكد
ابتسمت همس وردت علي رائد بتلقائية وهي بتضحك 
انت مكبر الموضوع ليه بس اصلا محصلش حاجة لكل ده يلا انا هحضر الاكل عشان ناكل اصلي جوعت اوي 
عدي شهر عالاحداث اللي حصلت وهمس كانت في الشهر ده سعيدة اوي ورائد كان بيكبر في نظرها كل يوم عن اليوم اللي قبله خصوصا انه كل يومين كان بيوديها لامها او بيبعت يجبه الها تقعد معاها وتشوفها لانه عارف ان ده اللي هيسعدها حتي نسرين بعد ما شافت معاملة رائد لبنتها اطمنت وفرحت انه فعلا طلع عوض لهمس عن كل اللي مرت بيه كانت قاعدة همس عالسلم مع زينة وبيتكلمو سوا زي زمان واكتر حكت همس كل حاجة لزينة وحياتها مع رائد عاملة ازاي وقد ايه هي سعيدة معاه وانه بيحبها اوي وزينة وقتها ردت عليها بمكر 
انتي بتهربي ليه يا بت انتي من الاجابة انا سألتك سؤال محدد انتي بقي حبيتي رائد ولا بس حابة اهتمامه واللي بيعمله معاكي
كان رائد طالع عالسلم عشان يجيب همس وسمع سؤال زينة ليها فوقف وقلبه مقبوض احسن يسمع الاجابة اللي خاېف منها وفجأة ملامحه بهتت ومسك الترابيزين بتاع السلم من الصدمة لما
سمع اللي قالته همس 
هتصدقيني لو قولتلك مش عارفة احيانا بحس انه مش حب قد ما انا محتاجة اهتمامه ده
غمض رائد عنيه بۏجع وبعدين حاول يتحكم في نفسه وميبانش عليه حاجة وكمل طلوع سلم رائد علي نسرين واخد همس ونزلو سوا بس كانت حاسة هي انه متغير وان في حاجة مضايقاه فكانت بصاله وهي قاعدة جنبه في العربية وهو كان باصص قدامه بجدية فاتكلمت هي بقلق 
رائد انت كويس حساك متغير
بصلها رائد شوية وبعدين ابتسم ورد عليها بهدوء 
لا يا حبيبتي مفيش حاجة انا بس كان عندي ضغط شغل
حركت همس راسها بايجابية بس مكنتش مصدقه كلام رائد وحست انه في حاجة تاني شاغلاه وانتبهت ليه وقف فجأة بالعربية لما سرح وكان هيخبط واحدة فوقف ونزل بسرعة وقرب منها بلهفة وبقي يطمن عليها وهي كمان كانت بتتكلم معاه وهي بتبتسم وكل ده كانت متابعاه همس پغضب وغيرة عمتها لدرجة انها بقت تدوس علي كلكس العربية كتير عشان رائد يرجع تاني وفعلا ركب واول ما ركب زعقت فيه من غير ما تحس 
انت ايه اللي نزلك اصلا ما هي العربية مجتش جمبها وليه واقف معاها و بتكلمها كل ده هه
رائد كان باصص لهمس باستغراب ورد عليها بحدة 
وطي صوتك اولا ثانيا انتي يفرق معاكي ايه ماهو لو بتحبيني كنت قولت انك غيرانة عليا مثلا لاكن للاسف و طريقتك دي مالهاش مبرر يا همس
همس ملامحها بهتت وفهمت انه سمع كلامها مع زينة صحبتها ووقتها انتبهت لرائد وهو بيكمل كلامه وبيقولها بتنهيدة 
اسمعيني يا همس انا فعلا حاسس اني ظلمتك لما اتجوزتك وعشان كدة لو انتي حابة تاخدي حريتك واطلقك انا معنديش مانع و..
قطعت همس كلام رائد وهي بتمسك ايديه بلهفة وبتقوله بفزع 
لا يا رائد اوعي تسيبني انا اسفة بس متسيبنيش
اتنهد رائد پغضب وبعدين رد بجدية 
انا مش هسيبك ياهمس حتي لو انفصلنا صدقيني مش هسيبك انتي ومامتك وهتلاقيني دايما جمبك وسند ليكم
همس دموعها نزلت بحزن وهي باصة لرائد وحركت راسها يمين وشمال
كذا مرة بسرعة عشان رائد مفهمش كلامها وفسره غلط وكانت هتتكلم وتفهمه
بس هو قطع كلامها لما بص قدامه وكمل سواقة لحد البيت ووقف وبصلها وقالها بجدية 
تقدري تنزلي هروح مشوار مهم وممكن اتأخر
همس بصتله بحزن وبعدين سابته ونزلت واطمن رائد عليها لحد ما دخلت البيت وساق العربية پغضب ومشي وهو مخڼوق وقلبه وجعه عشان همس محبتهوش زي ما هو حبها فضل يلف بالعربية كتير وهو بيفكر فيها ويفكر هيعمل ايه من غيرها وهيعيش ازاي لو فعلا طلقها 
الساعة تلاتة الصبح كان رائد بيفتح باب الشقة وداخل بتعب واول ما قفل الباب ولف اتفاجأ بهمس خارجة من اوضتها بتجري عليه وبترمي نفسها في وهي بتقوله بدموع 
رائد اوعي تسيبني انا مش هعرف اعيش من غيرك صدقني انا بحبك ولو بعدتني عنك ممكن اموت 
فيها
رائد قلبه كان بيدق پعنف وانفاسه كانت عالية اوي وسامع كلامها اللي استني كتير اوي عشان يسمعه منها فبعدها عنه وبص في عنيها وهو بيقولها بلهفة 
انتي قولتي ايه يا همس اللي سمعته ده صح 
ابتسمت همس من بين دموعها وهي بتحرك راسها بايجابية وقالتله بفرحة 
ايوة يا رائد انا اكتشفت اني بحبك اووووي انت الحاجة الوحيدة اللي حلوة في حياتي اول ما دخلتها غيرت طعم كل حاجة وعشقت اهتمامك بيا خلتني بحبك ليا واهتمامك اعشق تفاصيلك يا رائد ومتأكدتش من مشاعري ناحيتك غير لما ڼار الغيرة كوت قلبي لما شوفتك بس واقف مع غيري
رائد كان بيسمع همس بقلبه وعقله فشالها بفرحة ولف بيها وهو بيقولها بعشق 
وانا كنت مستني اللحظة دي من زمان يا همس من وقت ما شوفتك في الشارع بالصدفة وخطفتي قلبي ببراءتك وراهنت نفسي علي حبك ودلوقتي بقيت اسعد راجل في الكون عشان قدرت اكسب قلبك
همس وهي بتغمض عنيها براحة 
انت مش بس كسبته يا رائد انت اتملكته بحبك ليا وسكنته
تمت 
بقلمي اسراء ابراهيم
اسكربت كامل اهو ياريت تفاعل حلو بقي عشان انزل اللي بعده كامل برضه ومتنسوش رأيكم يا قمرات