روحت ازور اختى
حد غيرك يلا انا نازلة شقتي
وطلعت شيماء وقالت انتي رايحة فين بس ياماما اقعدي اشربي الشاي
الام
لا يابنتي انا لسه شاربة من شويه هنزل انا بقا
عند عمتي أسامة خطيب هبه جه وهي لسه عامله نفسها زعلانه ومش بتكلمة
أسامة
هي هبه هتفضل زعلانه مني ياطنط كده كتير والله انا بحاول اعمل كل اللي يرضيها اعمل ايه تاني
معلش يا اسامة انت عارف هبه بس كانت متعشمة انك تخلص حاجة الجهاز قبل الميعاد لأنها خلاص جهزت كل حاجة وعزمت الناس استني اناديها من جوه ونادت عليها
أسامة
والله اديني بحاول على أخرى ربنا يسهل والحق اخلص
هبه
وانت بقا لسه بتحاول وخلاص الايام بتعدي يا اسامة
أسامة
خلاص ياهبه بقا عشان خاطري متزعليش مني
خلاص يا اسامة بس تنجز عشان نلحق ميعاد الفرح ودخلت عليهم مروة بالعصير لأسامة
حطي عندك هنا واخرجي بره يلا
مروة
حاضر ياهبه
أسامة
تسلم ايدك يامروة متشكر على العصير
بصتله مروة وهزت راسها بحسرة وخرجت
هبه
هي مين ياخويا اللي تسلم ايديها على فكرة العصير ده انا اللي مجهزاه قبل ما انت تيجي يعنى الهانم معملتش حاجة دي جابته بس
وفيها ايه ياهبه لما اشكرها وبعدين كتر خيرها انها جبته لحد هنا
وقعدوا شويه مع بعض ومشي أسامة ولقيت هبه جايه تقولي
جرا ايه ياست هانم انتي عايزة تعرفي خطيبي اني مش بعمل حاجة في البيت انتي قصدك تخربي عليا صح
مروة
والله ابدا ياهبه دي عمتي اللي قالتلي اعمل عصير لخطيبك
هبه
تعملي العصير لخطيبي مش تجبيه لحد عنده وداخله تتسهوكي عليه
ينهارك اسود بقا داخله تتسهوكي على الواد فاكرة انه هيبصلك يابت
مروة
والله ماحصل الكلام ده ياعمتي انا دخلت حطيت العصير وخرجت متكلمتش ولا كلمة
هبه
انتي بتكدبيني ده انتي داخلي ولا كانك
العمه
بقولك ايه يا مروة انتي تروحي تشوفيلك اي مكان تتلقحي فيه ومتجيش هنا ابدا انتي سامعه ولا لا
مروة
وانا هاروح فين ياعمتي انا مليش حد غيركم والنبي ياعمتي سبيني قاعدة معاكي والله لو جه تاني مش هطلع من الاوضة خالص
انتي هنا خدامة وبس انتي سامعة يعنى تقعدي زي الجزمة
مروة بټعيط
حاضر حاضر
وبعد كام يوم عند إيناس بتكلم وائل في التليفون وهو في الشغل
وائل
ايوه يا إيناس عماله ترني انا مشغول
إيناس
اصلي بقالي كام مش شوفتك ياوائل قولت ارن عليك أشوفك فين ومبتجيش ليه
وائل
ليه وحشتك يا قمر
إيناس
طبعا وبعدين كمان النهارده اخر يوم في العده بتاعتي واتفقنا انك هتكتب عليا
انا فاكر طبعا بصي بكره هجيب الورقتين واحجز اوضة في فندق ونمضي على الورقتين ونقضي اليوم مع بعض ماشي
إيناس
طيب وماتجيش عندي في شقتي ليه
وائل
عشان محدش ياخد باله يا إيناس قولتلك انا مش عايز مشاكل
إيناس
طيب يا وائل اللي تشوفة
وتاني يوم حجز وائل في فندق واتصل بيها وراحتله واتجوزها عرفي وقضو اليوم مع بعض واخر النهار كل واحد فيهم رجع بيته
هبه
ياماما أسامة جاي كمان شويه والزفتة بنت اخوكي دي هنا وانا بصراحة قلقانة منها
العمه
ليه ياهبه ماحنا متفقين معاها هتدخل الاوضه مش هتخرج منها
هبه
دي لو خرجت بس وهو شافها والله هرميها في الشارع وبعدين انتي لازم تتصرفي البت احلى مني بكتير واسامة كان بيسالها عليها المرة اللي فاتت
العمه
ماهي لازقه فينا بصي انا عندي فكره احنا نلبسها مصېبه وقدام أسامة عشان يعرف انها مش كويسه وساعتها نغورها من هنا خالص هاتي ودنك لما اقولك هنعمل ايه
عند شيماء مرات وائل
شيماء
انا مش عارفه انت بقيت تتأخر في الشغل ليه كده انت كنت بتيجي بدري دايما ايه اللي حصل
وائل
جرا ايه يا شيماء هو انتي بتعدي عليا الوقت ولا ايه
انا عندي شغل كتير الفترة دي وتأخير
شيماء
خلاص تأخير
