ربيت بنت جوزي في عشة الفراخ
محترم وهيراعي ربنا فيها طيب والنبي يا سعيد وما ليك علية حلفان ده قال اننا لو وافقنا هيعاملها وكأنها بنت من بناته..
سعيد
وانا موافق ده لسه عندي اربع بنات غيرها ده هم وهينزاح يا فايزه يا اختي..
وقفت فايزه وقالت
طيب انا هروح بقي ابلغ الجماعه بالاخبار الحلوه دييلا مع السلامه..
قالت ام كوثر
الله يسلمك يا حبيبتي استني هقوم اوصلك لحد الباب..
هو انا غريبه يا مرات اخويا ده بيتي خليكي مرتاحه يا ام العروسه..
قالت فايزه كلامها ومشيت ودخلت ام كوثر عند بنتها وقالت..
ام كوثر
اهو ده اللي انتي فالحه فيه تقعدي واقفه في الشباك اقفلي يا بت انتي الشباك ده وتعالي يا اختي خلاص هتتجوزي..
كوثر
بجد يا ماما هتجوز مين ان شاء الله..
ام كوثر
صابر سلف عمتك فايزه...
انتي بتقولي ايه يا امااا مين ده اللي اتجوزو ده معاه بنتين وكان متجوز..
ام كوثر
ايوه اطلعي قولي الكلام ده لابوكي اصله يا حبيبتي وافق علي كتب كتابك ودخلتك الخميس الجاي وكمان لا هيجيب جهاز ولا هنعمل فرح ولا اي حاجه..
كوثر
انا بجد عمري ما هسامح ابويا في اللي هو بيعمله فيا ده وانتي عارفه يا ماما اني مش هقدر اروح اقوله مش موافقه..
يبقي خلاص توافقي وتتحملي نصيبك وبعدين اهو صابر ده مرتاح واكيد هيطلعك من الفقر اللي انتي عايشه فيه هنا...
سكتت كوثر ومن جواها كانت مش موافقه علي الجوازه خالص وعدي الاسبوع بسرعه وجه معاد كتب كتابها ولبست فستان ابيض هادي وطلعت بره اوضتها واول ما شافتها فايزه قالت..
فايزه
يا صلاة النبي يا صلاة النبي شايف يا سي صابر مراتك حلوه ازاي والنبي انت ربنا بيحبك..
علي خيرة الله يا مرات اخويا.....
وميل عبده علي فايزه وقال بصوت واطي
ما بنت اخوكي طلعت حلوه اهي اومال ليه ما اتجوزتش. بس لحد دلوقتي..
فايزه ردت عليه وقالت
ده النصيب يا اخويا كمان هندخل في نصيب ربنا...
عبده
هو الواد صابر اخويا ده ديما محظوظ شوفتي المرحومه ام البنات كانت عامله ازاي..
ما خلاص بقي يا اخويا هي الست اللي قاعده جنبك مش ماليه عينك ولا ايه..
عبده
والله غلط تقولي كده طبعا ماليه عيني ونص كمان بس انا بتكلم معاكي عادي هو انا ليا بركه الا انتي..
فايزه
طيب يلا بينا يا حج عبده مش هنبات هنا اخوك اخد العروسه ومشي من هنا....
وقامت فايزه وجوزها مشيو هما كمان وبعد شويه دخل صابر ومعاه كوثر بيته وكانت اميره وصفاء قاعدين زعلانين زعق فيهم صابر وقال..
انتي هتفضلي قاعده كده يا بت منم ليها قومي فزي انتي وهي سلمو علي امكم الجديده كوثر...
كوثر
انت بتزعقلهم ليه يا سي صابر بس تعالي يا حبيبتي انتي وهي..
قربت منها اميره وقالت
حمد لله علي سلامتك يا طنط كوثر..
صفاء بدموع
الف مبروك يا طنط كوثر ونورتي البيت..
كوثر
البيت منور بيكم يا حبايبي. مش عايزاكم تزعلو ان باباكم اتجوزني انا ننا في مقام اختكم الكبيره واي واحده فيكم عايزه حاجه تقولي....
اميره فرحت وقالت
انتي طيبه اووي يا طنط كوثر انا حبيتك جدا انتي هتعيشي معانا علي طول مش كده.
كوثر
ايوه يا حبيبتي هعيش معاكم علي طول.. اجهزلكم العشا يا بنات...
صابر پحده
عشا ايه اللي تجهزبه هما صغيرين ولا ايهلا هما هيعرفو يجهزو لنفسهم يلا بينا احنا ننام ولا نسيتي ان النهارده فرحنا..
لوت كوثر بوقها وقالت
لا ما نسيتش يا سي صابر يلا بينا...
وبعد ما دخلو قالت اميره بهدوء
شكلها كده طيبه يا صفاء مش وحشه وهتعمل علينا شغل الحموات..
صفاء
مش عارفه بقي يا اميره بس انا قلبي مش مرتاحلها خالص..
اميره
والله انتي بتخوفيني علي الفاضي تعالي بس نجهز اكل انا جعانه اووي..
صفاء
ومين سمعك انا كمان جعانه اووي تعالي بصي دول جايبين اكل في المطبخ اهو للعروسه..
اميره
لا بلاش ناكل منه احسن ابوكي يزعل ويمد ايظه علينا..
صفاء
يعني هو احنا لقينا اكل تاني وما اكلناش تعالي بس ما هو ما فيش اكل خالص هنا اهو غير اللي جايبينه ده..
اميره
خلاص هاكل معاكي بقي وربنا يستر...
واكلو هما الاتنين وسابو باقي الاكل علي المطبخ بس نسيو يشيلو الباقي في التلاجه والصبح لما طلعت كوصر ولقيت الاكل متاكل منه وبايظ ادايقت ودخلت قالت لصلاح..
كوثر
قوم يا سي صلاح شوفت بناتك تكلو من الاكل
