رواية عشق الادهم بقلم مها العيسوي (كاملة

عايزانى ابات عندك وبصت ل حنين وغمزتها مش كده يماما
حنين بصتها مش عارفه تعمل فيها ايه منه امشى من وشى احسنلك
منه جريت دخلت عند هناء و همس عماله تضحك عليهم
همس كل ده علشان كده طيب فيها ايه يعنى ولا انتى مكسوفه من بنتك
حنين بصتلها وبتقول لنفسها والله مانتى فاهمه حاجه
ادهم خرج واستاذن يمشى حور جريت عليه
حور خليك معانا يابابا شويه اقولك اتغدى معانا ماشى

ادهم شالها معلش ياحبيبتى خليها مره تانيه
حنين لا يا ادهم مينفعش تمشى داوقت غدا عيب لما تمشى ماتتكلمى يا همس 
همس اه صح مايصحش انا عشر دقايق والغدا يجهز
دخلوا البنات يجهزوا الغدا و ادهم وأسر و اياد وفارس الى اجى لما عرف الى حصل قعدوا مع بعض
اياد انا فرحان قوى اخيرا هفرح بيك
ادهم بصله وسكت هو فرحان انها خلاص هتبقى معاه وعلى اسمه بس كان نفسه تبقى موافقه تتجوزه علشانه هو مش عشان مامتها
اسر بصله مالك يا ادهم انت مش فرحان
ادهم بسرعه لا طبعا اكيد فرحان
أسر انا فاهم انت زعلان ليه
ادهم بصله وأسر كمل مش مهم هى وفقت ليه يا ادهم المهم ان جاتلك الفرصه انك تثبتلها انك بتحبها بجد وصدقنى همس لو مش عايزاك مكنتش وافقت هى اه خاڤت على ماما بس برده هى كانت عايزه سبب يساعدها توافق مش اكتر
ادهم معاك حق المهم انها وافقت مش مهم اى حاجه تانيه
اياد حاسس ان فى
حاجه تانيه بس ادهم مش عايز يقولها فسكت ومرداش يتكلم الا لما يبقوا مع بعض لوحدهم
الكل اتجمع واتغدوا مع بعض و ادهم كالعاده اخد حور وأدم جنبه علشان ياكلهم ورغم اعتراض همس بس ادهم بيبقى فرحان وهو بيهتم بيهم بعد الغدا ادهم اخد اياد وروحوا بعد ما اتفق مع اسر انهم هيجوا بكره يطلبوا همس رسمى
همس استاذن بعد مااطمنت على هناء دخلت اوضتها كانت فرحانه وخاېفه فى نفس الوقت وبتسال نفسها مېت سؤال واهم سؤال هى ليه قالتله ان جوزاهم يبقى سورى! يمكن كانت عايزه تعرف رد فعله ايه او هى فعلا عايزه تفضل بعيده عنه مش عايزه تتعلق بيه اكتر لانها مش عارفه لسه تثق فيه فضلت قعده مع نفسها تفكر يمكن توصل لاجابه تريحها
ادهم و اياد روحوا وبلغوا ناديه و شريف 
الى فرحوا جدا وقالهم انهم هيروحوا بكره يطلبها
شريف الف مبروك يا ادهم اخيرا هفرح بيك واشوف عيالك
ادهم بصله قوى وسكت
شريف استغرب مالك يا ادهم انت مش فرحان ولا ايه
ادهم مش فرحان ايه يا شريف انت عارف انى مستنى اليوم ده من اول ماشفتها
شريف اومال مالك مش حسك فرحان الفرحه الى مستنيها منك
ادهم مافيش يا شريف كل الحكايه ان اضيقت انها وافقت بس لما امها تعبت مش اكتر كان نفسى توافق علشانى مش علشان ترضى حد
شريف هتفرق معاك
ادهم لا
شريف يبقى تفرح ان الانسانه الى اخترتها هتبقى معاك فى بيت واحد وساعتها هتثبتلها انك بتحبها وتخليها تثق فيك وانا متاكد ان انت بى حبك وحنانك الى انا عارفهم همس هتعشقك مش بس هتحبك
ناديه هى اصلا بتحبك فعلا بس بتعاند يا ادهم 
ادهم انا عارف الكلام ده ومش زعلان بالعكس انا فرحان انها وفقت الحمد لله
شريف عموما ألف مبروك يابطل
ادهم ابتسم الله يبارك فيك انا هقوم اريح شويه
اياد قاعد ساكت من ساعت مادخلوا وبيسمع كلامهم وبص ل ادهم واتاكد انه مخبى حاجه واول ما دخل قام دخل وراه
ادهم بصله لما دخل وراه تعالا يا اياد فى حاجه مالك كنت قاعد ساكت من ساعت مادخلنا
اياد انا الى مالى انت الى فيك حاجه مش مضبوطه
ادهم انا كويس


يا اياد وفرحان والله
اياد لا يا ادهم انت فى حاجه مش عايز تقولها ومتحاولش تخبى عليا لانى عارفك كويس قوى
ادهم اتنهد وسكت مش عارف يقوله ايه لانه وعد همس ان محدش هيعرف ان جوازهم سورى
اياد ماتتكلم يا ادهم فى ايه
ادهم اياد صدقنى مافيش حاجه
اياد لا فيه وانت مش عايز تقول مش عارف ليه انا اياد يا ادهم يعنى نصك التانى وصدقنى اى حاجه هتقولها مش هتطلع مابينا الا بقى لو مش واثق فيا
ادهم انت اټجننت يابنى مش واثق فيك ازاى يعنى كل الحكايه ان وعدت همس بحاجه ومش هقدر اتكلم عن الحاجه دى
اياد بصله بتفكير ياترى ايه الحاجه دى الى تخلى ادهم مضايق كده خلاص يا ادهم متقولش حاجه
ادهم اياد مش عايزك تزعل منى انت عارف انا بحبك قد ايه بس برده انت عارفنى لما بوعد ب
قاطعه اياد عارف يا ادهم عارف انك لما بتوعد عمرك ابدا ماتخلف