رواية عشق الادهم بقلم مها العيسوي (كاملة
شعورها ايه من نحيته كويس انك مرفضتيش ادهم راجل محترم وبيحب العيال جدا
همس بتحاول تهرب من عيون اخوها اه فعلا بيحبهم جدا وهما كمان
اسر بلؤم ياريته يفضل جنبهم بس بكره يجوز هو هيفضل
كده
همس بصتله قوى وفكره ان ادهم يجوز وجعت قلبها ومن غير ماتفكر ردت عليه
هو قالك انه هيجوز ياعنى بيحب حد وهيجوز
اسر اتاكد ان همس بتحب ادهم يعنى مش كده بس اكيد هيجى عليه يوم ويتجوز انت خوفتى كده ايه
اسر قرب منه ا ومسك ايدها همس ياحبيبتى بلاش تعندى على نفسك وعلى قلبك عيشى حياتك اطلعى من الدايره الى دخلتى نفسك فيها عمرك لسه قدامك بلاش تضيعيه من غير ماتعيشى السعاده الى طول عمرك محرومه منه ا
همس قصدك ايه يااسر بتقولى كده ليه
اسر انتى عارفه كويس قصدى ايه وهنا شاور على قلبها فيه ايه
اسر بنرفزه انت كدابه يا همس والعيال الى عمالهم حجتك هما اكتر حد محتاجين لاب يراعيهم
همس وهو فى جوز ام بيراعى عيال مراته اذا كان الاب مش هموا عياله يبقى الغريب هيهموا
اسر بصلها قوى اه يا همس الغريب هيهموا عموما انتى حرا
ادهم الساعه اربعه بالدقيقه كان تحت عماره همس اتصل بيها وقالها انوا طالع يخدهم طلع وفتحله اسر
اسر تعالى يا ادهم ادخل عامل ايه ياحبيبى
ادهم الحمد لله مبروك ياعريس
اسر الله يبارك فيك يا غالي عقبالك
ادهم انشاء الله قريب المهم العيال جهزوا
حور وادم اول لما شافوا ادهم جريوا عليه
حور عمو ادهم وحشتنى قوى
أدم عمو أتهم حستنى
ادهم اخدهم فى حضه وانتوا كمان وحشتونى قوى
اسر بص ل همس بمعنى ان فى واحد غريب بيهتم اهو همس فهمته وبصت للارض
ادهم قام وبص ل همس حس ان فى حاجه مضيقها ازيك يا همس عامله ايه
ادهم ليه فى حاجه
همس لا ابدا علشان نزلين نجيب شبكه اسر وقالتله بۏجع عقبالك
ادهم اتجاهل عقبالك لانه عايز يقولها ياريت توافقى طيب لو مش محتجاهم معاكى خلصى وكلمينى اجبهم
همس انا كده كده كنت هسيبهم مع ماما
ادهم خلاص يبقى تخلصى وتكلمينى اجبهم يلا سلام احنا
اسر شافها كده وعرف انها فى سراع مع نفسها حب يخفف عنها همس مالك ياحبيبتى
همس انتبهت ها قولت حاجه
اسر بقولك مالك يا همس
همس مافيش انا كويسه اهو احنا
هننزل امتى
اسر عرف انها عايزه تغير الموضوع هننزل على ٧ الا ربع علشان نوصل لنور ٧
همس قامت طيب انا هقوم اريح شويه على مانيجى ننزل
ودخلت وعيون اسر عليها ربنا يهديكى يا همس
همس دخلت نامت على سريرها وفضلت باصه للسقف وبدات رحله تفكرها مع نفسها زى كل يوم
_
عند ادهم وصلوا الملاهى وفضلوا يلعبوا ويتنتطوا وكانوا مبسوطين جدا ادهم اخدهم على الكافيه
ادهم ها اطلبلكم ايس كريم ولا عصير
حور انا عايزه ايس كريم شوكلت
أدم واتم تمان عايس ايس تييم
ادهم ضحك عنيا حاضر طلب الايس كريم وبص لحور لقاها سرحانه مالك ياحور انتى مش مبسوطه
حور لا انا مبسوطه خالص
ادهم اومال مالك ياقمر
حور بزعل اطفال كان نفسى
انت تبقى بابايا وتفضل معايا على طول
ادهم قلبه وجعه عليها وانا كمان ياحور نفسى اكون انا باباكى
حور بفرحه بجد يعنى ينفع اقولك بابا ويبقى عندى بابا زى اصحابى
ادهم اكيد ينفع طبعا
حور قامت انا بحبك قوى يابابا
ادم قام هو كمان وصمم اكتر من الاول انه هيفضل ورى همس لحد لما توافق حتى لو وصلت انوا يخطفها
اسر اخد همس وراح لنور اخدها هى ومامتها وراحوا اشتروا الشبكه همس كانت فرحانه لاخوها وهى شايفه فرحته بنور الى باينه فى عيونه خلصوا ووصل نور وماماتها وروحوا
اسر ل همس هتكلمى ادهم علشان يجيب حور وادم
همس اه هتصل بيه اهو
واتصلت بيه الو ايوا يا ادهم احنا خلاصنا وفى البيت دلوقت انتوا خلصتوا
ادهم اه نص ساعه ونكون عندك
همس تمام تيجوا بالسلامه
ادهم بحب الله يسلمك مش محتاجه حاجه اجبهالك
همس بتوتر من عيون اسر الى عليها ها لا شكرا عايزه سلامتك مع السلامه
قفلت وبصت لاسر لقيته مبتسم على منظرها سابته بغيظ منه
ودخلت الاوضه
نص ساعه وكان ادهم وصل وكالعاده شايل
