رواية مريم ومؤمن جميع الاجزاء كاملة
انت في الصفحة 1 من 4 صفحات
الجزء الاول
بص انت هتروح دلوقتي تقولهم معجبتنيش مش بالموصفات الي انا عاوزها...
ده الي هي ايه بس عشان ابقى عارف..
هتطلع تقول لبابا كل شئ قسمة ونصيب بص قولهم مثلا انا كنت عاوز واحدة مش منتقبة قولهم ان أنا طلعت پخوف شكلي معجبكش اي حاجه ... قولهم اي حاجه المهم تبوظ الجوازه دي...
طيب انا عاوز اشوف وشك
أحم...هو انا جيت غلط ولا ايه هو مش دي الرؤية الشرعية والمفروض اني جاي عشان اشوفك...
انت عارف اخر واحد قالي عاوز اشوف وشك عملت فيه ايه!!
عملتي ايه وهو مين الي اتجرأ وقالك كده اصلا...
ده موظف البنك بيقولي عاوز يشوف وشي قال ايه عشان يتأكد انه مطابق للصورة ولا لأ...
يلا الله يرحمه ميجوزش عليه إلا الرحمة...
مااااات ..... قتلتيه !!!
لا ده قضاء وقدر البنك ډخله عصابة وفجروه وهو كان من الضحايا ..
لا حول ولا قوة إلا بالله.. طب ده ايه علاقته بيه
طب انت عارف كان في عريس كان قاعد مكانك هنا من يومين ...
وطلب يشوف وشك بردو..
لأ منا رفضت وهو صمم وكان جي مرة تانيه عشان الرؤية الشرعية
شوف سبحان الله يشاء القدر ان وهو ماشي تحت بلكونتنا بالصدفة تقع على دماغه اصيصة زرع
ماات بردو!!!
منا قولتلك لأ .....جاله بس فقدان فالذاكرة...
طيب الحمد لله...
ها رأيك ايه هتطلع تقولهم كل شئ قسمة ونصيب ولا لسه مصمم تشوف وشي...
احم طب مفيش اختيارات اصل انا مڠصوب بردو عالجوارة دي
لا هددني انه هيطردني من البيت ومن الشغل اصل انا بشتغل عند ابويا موظف بالشركة
يا عيني يا بني تصدق صعبت عليه...
ده انا حالي يصعب عالكافر وافقي بس واتبني حالتي... ولا اقولك احنا هنخليها خطوبه وكتب كتاب على طول...
خطوبة ايه وكتب كتاب ايه... انت مبتتعظش من الكلام الي سمعته ...
لا إله الا الله
محمد رسول الله ... نقول مبروك
مبروك ايه انت بتستعبط ولا انت مش فاهم.. انا مش عاوزة اتجوز...
خلاص سهلة اطلعي قوللهم انتي انك مش عاوزه تتجوزي واهي تبقى جت منك وينوبك ثواب فيه...
ماهو لو كنت هقدر كنت عملتها من بدري ارجوك قدر موقفي...
طب بص انا جتلي فكرة انت هتمشي دلوقتي وبعد ما تروح تتصل
تقولهم كل شئ قسمة ونصيب وانا لو سألوني عن رأي هقولهم بردو كل شئ قسمة ونصيب وتبقى جت مننا احنا الاتنين...
ماشي موافق ديييييل..
انت بتمد ايدك ليه انا مبسلمش...
استغفر الله لا ده الشيطان مش انا..
يتبع
الجزء الثاني
مؤمن طلعت وحشة
